ආයතන සංවර්ධන ව්යාපෘතිය (ක්රියා මාර්ග 12)
01.වංචාව, දූෂණය, නාස්තිය, පගාව, අල්ලස අවම කිරීම
තමන්ට නොමිලයේ ලැබෙන රු. සියයට වඩා තමන් ධාර්මිකව උපයන රුපියල ඉමහත් අභිමානයක් සහ ගෞරවයක් බව පෙන්වා දෙමින් ඩිජිටල්කරණය සඳහා IT unit ස්ථාපිත කොට මහජන සම්බන්ධතා ඒකකයක් සකස් කෙරේ. සෑම පුරවැසියෙකුට ම අදහස්, යෝජනා සහ පැමිණිලි සෘජුව ඉදිරිපත් කිරීමට අවස්ථාවක් සකස් කර සභාපති ඇතුළු සියළු මන්ත්රීන්ගේ දුරකතන අංක පැහැදිලිව ප්රදර්ශනය කිරීම සහ කාර්ය මණ්ඩලය හඳුනා ගැනීමේ හැඳුනුම්පත්රයක් ලබා දීම සිදු කෙරේ.
2. කාර්ය මණ්ඩල කාර්යක්ෂමතාවය ඉහළ නැංවීම
සියලුම කාර්ය මණ්ඩලය සුදුසුකම් සහ නිපුණතාවය මත සේවයේ පිහිටුවමින් සැමට සතුටින් සේවය කළ හැකි ප්රසන්න පරිසරයක් නිර්මාණය කර සෑම සේවකයෙකුට ම නිශ්චිත රාජකාරි සහ නිශ්චිත කාලරාමු පැනවීමත් සේවක ගැටළු හඳුනා ගැනීම හා සාකච්ඡා කිරීම. සතිපතා අභ්යන්තර කළමනාකරණ කමිටුවත් මාසිකව පොදු කාර්ය මණ්ඩල රැස්වීමක් සහ මාසිකව ඒ ඒ අංශ කාර්ය මණ්ඩල රැස්වීම සහ සේවක වැටුප්, අතිකාල, වැටුප් වර්ධක, දීමනා සහ අනෙකුත් ප්රතිලාභ නිසි පරිදි ගෙවීම.
3.කාරුණික මහජන සම්බන්ධතාවයක් දක්වා වැඩිදියුණු කිරීම
සේවාලාභීන්ට රැඳී සිටීමට ප්රසන්න ස්ථානයක් සකස් කිරීම සහ එක් වරක් පැමිණි සේවාලාභියෙක් එකම කාරණයට නැවත පැමිණීම වැළැක්වීමට විධිමත් පියවර. සේවාලාභීන්ගේ අවශ්ය ලිපි ලේඛන පුරවා සකස් කර දීමට සුහදශීලි සහයෝගය ලබා දීම සහ අදහස් යෝජනා සහ චෝදනා ඉදිරිපත් කිරීමට ක්රමවේදයක්.
4. කාර්ය මණ්ඩල පහසුකම් වැඩි දියුණු කිරීම
පහසුවෙන් රාජකාරි කටයුතු ඉටුකිරීමට අවශ්ය පරිසරය නිර්මාණය කරමින් රාජකාරියට අවශ්ය උපකරණ, යන්ත්ර, ආරක්ෂිත උපාංග සපයා දීම සහ ආහාර ගැනීමට ස්ථානයක් මෙන් ම පුද්ගලික සනීපාරක්ෂාව සඳහා පහසුකම් වැඩි දියුණු කිරීම.
5.කාර්ය මණ්ඩලයේ සුහදතාවය, විශ්වාසනීයත්වය තහවුරු කිරීම
ආයතනය වෙනුවෙන් සභාපති වගවීම ආදර්ශය ලබා දෙමින් කාර්ය මණ්ඩල රැස්වීම්, මසකට වරක් කාර්ය මණ්ඩලය පෞද්ගලිකව හමුවීම්, විවිධ දක්ෂතා අගය කිරීමට ලක් කිරීම්, සුබසාධක සංගමයක් පිහිටුවා කාර්ය මණ්ඩල උත්ප්රේරණ වැඩසටහන් සංවිධානය කරමින් කාර්ය මණ්ඩල විනෝද චාරිකා සංවිධානය කිරීම.
6.සුදුසුකම් සහ දක්ෂතාවය, කැපවීම මත විෂය පථ ප්රතිසංවිධානය කිරීම
කාර්ය මණ්ඩලයේ අධ්යාපනය සහ විවිධ දක්ෂතා මත කාර්යයන් පැවරීම.
7.කාර්යාලීය කටයුතු විධිමත් කිරීම
සියලු ලිපි ලේඛන කටයුතු පවත්වා ගැනීමේ ක්රමවේදය පහසු සහ විධිමත් ක්රමවේදයක් බවට පත් කිරීම සහ පොදු නිති රිති පද්ධතිය ආරක්ෂා කරමින් ජනතා සුභ සිද්ධිය වෙනුවෙන් අතුරු ව්යවස්ථා පනවා බලාත්මක කරමින් පොදු පරිපාලනය විධිමත් කරමින් ප්රාදේශීය පාලනය පවත්වාගෙන යාම.
8.ප්රධාන කාර්යාල සේවාවන් උප කාර්යාල දක්වා විමධ්යගත කිරීම
අප කාර්යාලවල සිදු කළ හැකි සේවා පිළිබඳව ජනතාව දැනුම්වත් කොට එම ආයතන වෙත පවරා දෙමින් තාක්ෂණය ඔස්සේ මහජන සේවාවන් සරල සහ පහසු කරවීම.
9.ඉදිවන නව සභා සංකීර්ණය මනා ලෙස ස්ථාපනය කර ගැනීම
ඉදිවන නව ගොඩනැගිල්ල ශ්රවණාගාරයක් නව සභා ශාලාව සහ කාර්යාල පහසුකම් සහිතව අලංකාරව පිළිවෙළක් සහිතව වැඩ අවසන් කර ගැනීම.
10. සභා පරිශ්රය දැකුම්කළු ලෙස සකස් කිරීම
සභා එළිමහන් පරිසරය දැකුම්කළු ලෙස සකස් කර ගැනීම තුළින් මහජනයාට ප්රසන්න ස්ථානයක් බවට පත් කිරීම.
11. තොරතුරු තාක්ෂණ ඒකකයක් ආරම්භ කිරීම
ගෙවීම් කටයුතු Gov pay මගින් සහ අනෙක් මහජන සේවාවන් කඩිනමින් නිවැරදිව පහසුවෙන් ඉටු කිරීම සහ ආයතනයේ අභ්යන්තර ලිපි ලේඛන කටයුතු නිවැරදිව හා පහසුවෙන් විධිමත් කරමින් වංචා දූෂණ අවම කිරීම.
12. ආදායම් පුළුල් කිරීම සහ විධිමත් කිරීම
බදු සහ අනෙකුත් ආදායම් විධිමත්ව සහ විනිවිදභාවයක් සහිතව එකතු කිරීමට කාර්යක්ෂම ක්රමවේදයක් හඳුන්වා දෙමින් බදු ගෙවන්නන් සෑහීමකට පත් කිරීමට හා දැනුම්වත් කිරීමටත් ක්රමවේදයක්. බදු ගෙවන්නන් අගය කිරීමට ක්රමවේදයක්. නව ආදායම් උත්පාදන මාර්ග හඳුනා ගෙන කටයුතු කිරීම සහ නාස්තිය අවම කොට කටයුතු කිරීම.